നന്നായി അന്വേഷിച്ചു മാത്രം ചെയ്യുക

നന്നായി അന്വേഷിച്ചു മാത്രം ചെയ്യുക വാഗ്ദാനങ്ങളിൽ വീണു പോകരുത് മുന്നറിയിപ്പുമായി ഗ്രേസ് ആന്റണി, ഒമർ ലുലു സംവിധാനം ചെയ്ത ഹാപ്പി വെഡിങ് എന്ന ചിത്രത്തിലൂടെയാണ് നടി സിനിമയിലെത്തിയത്. വളരെ പെട്ടെന്നുതന്നെ മലയാളി പ്രേക്ഷകരുടെ പ്രിയപ്പെട്ട താരമായി മാറിയ നടിയാണ് ഗ്രേസ് ആന്റണി.

ആദ്യ ചിത്രത്തിലൂടെ തന്നെ പ്രേക്ഷകരുടെ ഇടയിൽ ശ്രദ്ധനേടാൻ ഗ്രേസിനു കഴിഞ്ഞിരുന്നു. ഹാപ്പി വെഡിങ്കി ൽ ചെറിയ കഥാപാത്രത്തിലാണ് ഗ്രേസ് എത്തിയത്. പിന്നീട് നല്ല അവസരങ്ങൾ നടിയെ തേടി എത്തുകയായിരുന്നു. കുമ്പളങ്ങി നൈറ്റ്സ് എന്ന സിനിമയാണ് ഗ്രേസിന്റെ കരിയർ തന്നെ മാറ്റുന്നത്. ഫഹദ് ഫാസിലിന്റെ ഭാര്യ കഥാപാത്രത്തെയാണ് ഗ്രേസ് ഈ ചിത്രത്തിൽ അവതരിപ്പിച്ചത്. അതുവരെ കണ്ട നടിയെ ആയിരുന്നില്ല കുമ്പളങ്ങിയിൽ കണ്ടത്. സിനിമ പാരമ്പര്യമില്ലാത്ത കുടുംബത്തിൽ നിന്നാണ് ഗ്രേസ് സിനിമയിലെത്തുന്നത്. എന്നാൽ സിനിമയിൽ നിന്നും ദുരനുഭവങ്ങൾ ഒന്നും തനിക്ക് ഉണ്ടായിട്ടില്ല എന്നാണ് നടി പറയുന്നത്.

ഒരു അഭിമുഖത്തിലാണ് നടി ഇക്കാര്യം വെളിപ്പെടുത്തുന്നത്. ഹാപ്പി വെഡിങ് മികച്ച ടീമായിരുന്നു എന്നും നടി പറയുന്നു. ഗ്രേസിന്റെ വാക്കുകളിങ്ങനെ, പിന്തുണയില്ലാതെ സിനിമയിൽ വരുന്ന പെൺകുട്ടികൾക്കും പല ദുരനുഭവങ്ങളും ഉണ്ടാകാറുണ്ടല്ലോ എന്ന അവതാരകയുടെ ചോദ്യത്തിന് ആയിരുന്നു നടിയുടെ മറുപടി. അക്കാര്യത്തിൽ എനിക്ക് ഭാഗ്യമുണ്ട്. എന്റെ ഫസ്റ്റ് ഒഡീഷൻ ആയിരുന്നു ഹാപ്പി വെഡിങ്. നല്ല ടീം ആയിരുന്നു. ദുരനുഭവങ്ങൾ ക്ക് സാധ്യത ഏതു മേഖലയിലും ഉണ്ട് സിനിമ ആഗ്രഹിക്കുന്ന 10 പേരിൽ നാലുപേർക്ക് അവസരങ്ങൾ ലഭിക്കുന്നുണ്ടാവു. അതിൽ രണ്ടു പേർക്കേ ടാലന്റ് ഉണ്ടായെന്നുവരൂ. കഴിവുണ്ടെങ്കിലും ആഗ്രഹം കൊണ്ട് ആലോചന ഇല്ലാതെ പോകരുത്. വാഗ്ദാനങ്ങളിൽ വീണുപോകരുത്. നന്നായി ആലോചിച്ച് അന്വേഷിച്ച് മാത്രം അവസരങ്ങൾ എടുക്കണമെന്നുമാണ് ഗ്രേസ് പറയുന്നത്. സിനിമയാണ് എന്റെ ഇഷ്ടം എന്ന് തുടക്കത്തിലെ തിരിച്ചറിഞ്ഞിരുന്നു. വീട്ടിലോ കുടുംബത്തിലോ അഭിനയിക്കുന്നവർ ഇല്ല. പപ്പ ആന്റണി ബ്രേക്ക് ഡാൻസ് ചെയ്യും മമ്മി ഷൈനിക്ക് നൃത്തം ചെയ്യുവാനും പാടാനും അറിയാം. ചേച്ചി സെലീന ഹോം മേക്കർ ആണ്. കേക്കാണ് സ്പെഷ്യാലിറ്റി. കലാ താല്പര്യം ഉള്ളതുകൊണ്ട് പപ്പയും മമ്മിയും എന്നെ പിന്തുണച്ചു.

എന്റെ സ്വപ്നം സ്വയം നേടിയെടുക്കുക യായിരുന്നു ഞാൻ. ലക്ഷ്യത്തിനുവേണ്ടി ആത്മാർത്ഥമായി പരിശ്രമിച്ചാൽ വിജയിക്കും.അതാണ് എന്റെ അനുഭവം. ഷൂട്ട് തുടങ്ങിയാൽ പപ്പയും മമ്മിയും വിശേഷങ്ങൾ ചോദിച്ചു കൊണ്ടിരിക്കും. നന്നായി അഭിനയിച്ചോ റിലീസ് തീയതി എന്നാണ് അവർക്ക് അറിയേണ്ടത്. എന്നാൽ തീയേറ്ററിൽ ഒന്നിച്ചു പോയി സിനിമ കാണുമ്പോൾ ഒരക്ഷരം മിണ്ടുകയില്ല. ഇങ്ങനെ മിണ്ടാതിരിക്കാൻ ആണോ ഇത്ര എക്സൈറ്റ്ഡ് ആയി വിശേഷങ്ങൾ ചോദിച്ചത് എന്ന് ഞാൻ ചോദിക്കും. എന്നോടൊന്നും നേരിട്ട പറയില്ലെങ്കിലും പരിചയക്കാരുടെ സിനിമ കണ്ട് അഭിപ്രായം പറയണം എന്ന് പപ്പയും മമ്മിയും പറയും. എന്റെ ഇഷ്ടം അവരുടെ സന്തോഷം ആയി മാറുന്ന സംഗതിയാണ് ഞങ്ങൾക്ക് സിനിമ.

ജീവിതത്തിൽ സിനിമ വരുത്തിയ മാറ്റങ്ങളെക്കുറിച്ച് നടി പറയുന്നുണ്ട്. ആഗ്രഹിച്ച പലതും നേടാൻ കഴിഞ്ഞു. ചെറുപ്രായത്തിൽ തന്നെ കരിയർ സെറ്റ് ചെയ്ത് വീട്ടുകാരെ സംരക്ഷിക്കാൻ കഴിയുന്നു. നടി എന്നതിനപ്പുറം നർത്തകി കൂടിയാണ് താരം. കാലടി ശ്രീ ശങ്കര സർവ്വകലാശാലയിൽ നിന്നും. ഭരതനാട്യത്തിൽ ബിരുദം എടുത്തിരുന്നു. ഒരു വർഷം സ്കൂളിൽ ഭരതനാട്യം ടീച്ചറായി ജോലി ചെയ്തിരുന്നു. അതേസമയം കനകം കാമിനി കലഹം ആണ് ഗ്രേസിന്റെ ഏറ്റവും പുതിയ ചിത്രം. നിവിൻപോളി ആയിരുന്നു ചിത്രത്തിലെ നായകനായി എത്തിയത്. ഹോട്ട് സ്റ്റാറിൽ റിലീസ് ചെയ്ത ചിത്രത്തിന് മികച്ച അഭിപ്രായമായിരുന്നു ലഭിച്ചത്. അപ്പൻ എന്ന ചിത്രമാണ് ഗ്രേസിന്റെതായി അടുത്തതായി പുറത്തിറങ്ങാനിരിക്കുന്നത്. നിരവധി ചിത്രങ്ങൾ അണിയറയിൽ ഒരുങ്ങുന്നുണ്ട്.